Sot Kombëtarja e Kosovës do të përballet me Izraelin, në një ndeshje të rëndësishme në kuadër të Ligës së Kombeve.

Para ndeshjes, Federata e Futbollit e Kosovës ka njoftuar tifozët për masat e sigurisë dhe rregullat që duhet të respektohen gjatë hyrjes në stadium.

Sipas njoftimit të FFK-së, ndalohet futja dhe përdorimi i armëve të çdo lloji, mjeteve të mprehta, mjeteve piroteknike, fishekzjarrëve, flakadanëve dhe mjeteve eksplozive.

FFK-ja u ka bërë thirrje tifozëve që t’i respektojnë udhëzimet dhe masat e sigurisë, në mënyrë që ndeshja të zhvillohet pa incidente./IO