Liria e Prizrenit sot e pret Prishtinën, në kuadër të 1\8 së finales të Digitalb Kupës së Kosovës në futboll, ndërsa me ndeshjet që luhen sot e nesër përfundojnë garat në futboll për këtë vit, shkruan “GazetaePrizrenit.net.

Analistët e shohin takimin e sotëm në Prizren si më interesantin e këtij rangu të garave. Duke ju referuar lojërave të treguara së fundi, prizrenasit janë optimistë se nga ky takim do të dalin fitues, për të vazhduar më tutje.

Sa i përket suksesit të treguar në kampionat, Liria ndodhet në pozitën e dhjetë në stinorin vjeshtor në Superligën e Kosovës, me 19 pikë në 17 ndeshje. Prishtina ndërkaq është e para, me 40 pikë.

Ndeshja zhvillohet në stadiumin “Përparim Thaçi” në Prizren, nga ora 12:30. /GazetaePrizrenit.net/