Seksioni letrar që vepron në kuadër të SHKA “Agimi” në Prizren, sot do të organizojë një orë letrare kushtuar piktorit prizrenas, Hamdi  Bardhi, transmeton “Gazeta e Prizrenit”.

Ndërkohë në Prizren, prej disa ditësh, në të njëjtin lokacion qëndron e hapur ekspozita me punimet e Bardhit.

Profesor Hamdi Bardhi nga viti 1965 ishte anëtar i Shoqatës së Artistëve të Artit Figurativ të Kosovës si dhe tri here nga 4 vite, është zgjedhur anëtar i kryesisë së SHAAFK–së.

Ai u lind më 1932 në Prizren, ndërsa vdiq më 2006. Pati më se 15 ekspozita individuale dhe shumë e shumë ekspozita kolektive, që tregojnë dendur kreativitetin dhe angazhimin e lartë në pikturë. Ai ekspozoi në Prizren, Prishtinë, Mitrovicë, Pejë, Ferizaj,… veprat e tij u ekspozuan edhe jashta vendit, si në; Podgoricë, Beograd, Zagreb, Suboticë, Shtutgard, Paris, Aman, Milano, Damask… ku tregoi gjithnjë kreativitetin e mirëfilltë dhe tejet rezonues.

Takimi letrar mbahet në galerinë “Bardhi”,  afër Shtëpisë së Kulturës në Prizren, duke filluar nga ora 18:00. /GazetaePrizrenit.net/