Gjatë pasdites së sotme pritjet në pikat kufitare të Kosovës janë më pak të ngarkuara.

Sipas të dhënave të Ministrisë së Brendshme të Kosovës, në Vërmicë ka kolonë prej 50 metrash dhe pritjet janë 5 deri në 10 minuta.

Kolona me automjete në pikën kufitare Merdare,  nga ora 16.17, është 30-50 metra e gjatë dhe për të kaluar kufirin duhet pritur 10 deri 15 minuta.

Ndërkaq, radhë më e gjatë është në pikën tjetër kufitare te Dheu i Bardhë, ku është formuar kolona 100 metra e gjatë dhe pritjet janë 20-25 minuta.