Totaj viziton BIK-un në Prizren, i premton përkrahje të vazhdueshme
Kandidati i PDK-së për deputet, Shaqir Totaj, përmes një postimi në Facebook ka njoftuar se së bashku me kandidatët për deputetë të Degës së PDK-së në Prizren, kanë vizituar Këshillin e Bashkësisë Islame (BIK) të Prizrenit. Totaj ka njoftuar se gjatë kësaj vizite është mirëpritur nga kryetari BIK-u
“Gjatë kësaj vizite u mirëpritëm nga kryetari BIK-ut, z.Besim ef. Berisha dhe drejtuesit e tjerë të BIK-ut.
Si kryetar i Degës së PDK-së në Prizren, e përgëzova edhe një herë kryetarin Besim ef. Berisha për vullnetin dhe përmbushjen e misionit të tij fetar për t’u bërë haxhi si dhe shpreha gatishmërinë e vullnetin se PDK-ja do të përkrahë fuqishëm punën dhe angazhimet e Këshillit të Bashkësisë Islame – Prizren. Gjatë këtij takimi u bisedua edhe për tema të ndryshme.
Si deputet i ardhshëm në Parlamentin e Kosovës do të angazhohem që këtu të mbretëroj një ambient i qetë, ku të gjitha komunitetet mund të jetojnë në paqe dhe harmoni mes vete.
Partia Demokratike e Kosovës/PDK është e vetmja alternativë që synon të sigurojë përkrahje të vazhdueshme dhe kaq të nevojshëm, por vetëm me Kadri Veselin kryeministër” ka shkruar ai.
