12-07-2024

Evitohet tragjedia në Spanjë, terroristët kishin urdhër të qëllonin futbollistët dhe tifozët e Realit

Sipas ‘El Confidencial’, shërbimet e informacionit “Guardia Civil” kanë zbërthyer javët e fundit një rrjet terrorist që synonte të sulmonte stadiumin ‘Santiago Bernabeu’, derisa caku ishin futbollistët e Real Madridit, por edhe tifozët e tyre.

Sipas planit ‘horror’, militantët do të qëllonin kundër lojtarëve dhe tifozëve të Real Madrid gjatë festës së madhe.

Nëntë persona u arrestuan në disa operacione policore në Salt (Girona), Algeciras (Cadiz), Anta (Almeria) dhe Tenerife.

Në një poster të publikuar në internet shihet një burrë me kapuç duke pritur autobusin e Real Madrid. Dhe në mesazh shkruhej:

“Vëllai im i dashur. Prit në një vend afër pikës së mbërritjes së lojtarëve. Qëlloji ata dhe tifozët e tyre” është urdhri ogurzi.

Në bashkëpunim të ngushtë me Europolin dhe FBI-në amerikane, operacioni i autoriteteve spanjolle synonte të shenjëstronte fondacionin e vetëshpallur I’lam, një nga qendrat kryesore të propagandës së lidhur me Shtetin Islamik, ‘ISIS’.

Shteti Islamik ka bërë kërcënime për sulme terroriste për ndeshjet çerekfinale në Ligën e Kampionëve, por kishte zëra se një gjë të tillë do ta bënin edhe gjatë Kampionatit Evropian dhe për këtë janë të informuar policia gjermane që po kujdesën për sigurinë./GS

PS. Foto nga arkivi

Asnjë koment

Comments are closed.