Mbrëmë rreth orës 22:00, Policia në Dragash ka reaguar pas një thirrje nga qytetaret, e cila bënte me dije për një rast ne fshatin Brezne /Dragash , për tre persona te lënduar. Sipas njoftimit të Policisë, fillimisht informata ishte se i dyshuari i N K ka goditur me automjet qëllimisht të dyshuarin S K. Mirëpo, më pas të dyshuarit N K dhe L K kishin kërkuar ndihmën mjekësore ne QKMF – Dragash, meqë kishin lëndime, që dyshohet të jenë nga mjeti i mprehtë (thikë).

Dy të dyshuarit me autoambulancë janë transportuar ne drejtim të Spitalit Regjional Prizren. Po ashtu me vonë edhe i dyshuari i S. K. me automjet privat ishte transportuar në drejtim të Spitalit Regjional në Prizren. I dyshuari L K është hospitalizuar, ndërsa i dyshuari N K dhe S K, pas tretmanit mjekësor, janë liruar në shtëpi.