Trump: Pas 4 orësh do largohem nga spitali, ndihem më mirë se 20 vite më parë
Presidenti amerikan Donald Trump ka njoftuar se do të lërë spitalin pas mesnate me orën tonë (18:30 me orën amerikane).
Lajmin e ka dhënë vetë ai me anë të një statusi në rrjetet sociale. Ai thotë se ndihet vërtetë shumë mirë ndërsa i bën thirrje qytetarëve të mos kenë frikë nga Covid-19.
“Unë do të largohem nga Qendra e Mrekullueshme Walter Reed sot në 6:30 PM. Ndihem vërtet mirë! Mos kini frikë nga Covid. Mos e lejoni të dominojë jetën tuaj. Ne kemi zhvilluar, nën Administratën Trump, disa ilaçe dhe njohuri vërtet të shkëlqyera. Ndihem më mirë sesa 20 vjet më parë!”, shkruan Trump. /io
