Një femër ka humbur jetën si pasojë e një aksidenti të rëndë trafiku që ndodhi ditë më parë në fshatin Serbicë të Prizrenit.
Aksidenti kishte ndodhur me datën 18 korrik të këtij muaji.
Në njoftimin e policisë thuhet se “Sot me datë 21.07.2021 rreth orës 09:55 është pranuar informata se e lënduara, që ishte duke u trajtuar në QKUK ka ndërruar jetë”.
Me vendim të prokurorit trupi i pajetë është dërguar për obduksion.
Në aksidentin në fjalë ishin lënduar 9 persona.
“Fsh. Serbicë, Prizren, 18.07.2021 – 13:38. Tre (3) vetura me targa vendore janë përfshirë në aksident trafiku mes veti. Deri te aksidenti kishte ardhur kur drejtuesi i njërës nga veturat e involvuara, si pasoj e mospërshtatjes së shpejtësisë së lëvizjes kishte humbur kontrollin dhe kishte goditur dy veturat tjera. Si pasojë e aksidentit lëndime trupore kanë pësuar 9 persona (2 nga ta lëndime të rënda). Të lënduarit janë dërguar në tretman mjekësor.”
