Sipas Ministrisë së Punëve të Brendshme, policia ka hapur 55 raste, ka konfiskuar 46 armë, 472 municione, arrestoi 42 persona ndërkohë 1 person u raportua i plagosur.

“Gjatë muajit Korrik 2024 lidhur me incidentet e të shtënave me armë në ahengje, Policia e Kosovës ka pranuar 53 raportime nga qytetarët, ka hapur 55 raste, ka konfiskuar 46 armë, ka konfiskuar 472 municione, ka arrestuar 42 persona dhe raporton se 1 person është plagosur. Bashkëpunimi është thelbësor në parandalimin e tragjedive që mund të shkaktohen nga gjuajtjet me armë zjarri. Festo me zemër, jo me armë! Le të kujtohet festa, jo tragjedia”, thuhet në positimin e MPB-së./ KK