Një rast i vjedhjes së rëndë është denoncuar mbrëmë në Polici nga sigurimi i kompanisë “IPKO, në Duhël të Suharekës.

Siç mëson Sinjali, ankuesi ka deklaruar se hajnat janë duke vjedhur naftë te kjo antenë, pas orëve të mesnatës.

Me të marrë informacionin, patrullat policore kanë dalë menjëherë në vendin e ngjarjes, ku nuk i kanë hasur personat e dyshuar, por kanë gjetur disa bidona të mbushur me naftë.

Sipas burimeve të Sinjalit, për momentin nuk dihet sasia e vjedhur e naftës, derisa rasti është iniciuar si “vjedhje e rëndë”, shkruan Gazeta Sinjali.