Vritet një kryetar komune në Austri
Një krim i tmerrshëm ka tronditur mëngjesin e sotëm Austrinë. Franz Hofer, kryetar i Komunës Kirchberg ob der Donau në Austrinë e Epërme, u vra.
Menjëherë pas lajmit, të gjitha shërbimet janë dërguar në terren dhe sulmuesi, i cili është gjuetar, dyshohet se ka qëlluar edhe dy persona të tjerë.
Hofer u vra në një livadh dhe i arratisuri është shumë i rrezikshëm.
Vendi i krimit ndodhet në komunën fqinje Altenfelden dhe aktualisht ekipet hetimore dhe mjekësia ligjore janë, duke ekzaminuar nga afër vendin e vrasjes./Indeksonline/
