Gjatë javës që po lëmë pas, në Prizren janë regjistruar 67 lindje.

Mbështetur në shënimet e maternitetit të spitalit  “Prim.Dr.Daut Mustafa” del se numri më i madh i të porsalindurve është i gjinisë femërore, shkruan “GazetaePrizrenit.net”.

Këtë javë gjithsej kanë ardhur në jetë 38 vajza apo 9 më shumë se sa djem, numri i të cilëve është 29.

Gjatë kësaj jave nuk ka pasur lindje gemellare (binjak).

Por, derisa mund të sigurojmë shënime për rastet e lindjeve, në Komunën e Prizrenit mungojnë shënimet zyrtare për rastet e vdekjeve gjatë një dite apo jave, si dhe largimet apo lëvizjet e qytetarëve. /GazetaePrizrenit.net/