21-01-2020

A do të largohet drejtori i Arsimit në Prizren, Skënder Susuri?

Paralajmërimet për largimin nga pozita të drejtorit për Arsim në Prizren, Skënder Susuri, duket se do të konkretizohen, pasi pritet që kjo të ndodhë sot, shkruan “Gazeta e Prizrenit”.

Burime të besueshme të gazetës, konfirmojnë se gjatë ditës pritet që vendimin ta bëjnë të ditur edhe vet autoritetet më të larta lokale të Prizrenit.

Dy javë më parë, drejtuesit e Nismës Socialdemokrate (NS) prej nga vjen edhe drejtori i Arsimit, pasi konfirmuan largimin nga kjo pozitë, deklaruan se në ditët e para të këtij muaji, do të caktohej pasuesi i Susurit, por përkundër kësaj ai vazhdonte ta ushtrojë detyrën, ndonëse referuar burimeve të besueshme, nga partia ishte rekomanduar lirimi i vendit dhe kërkesa ishte dërguar edhe tek kryetari Mytaher Haskuka, përcjell “GazetaePrizrenit.net”.

Zhagitja rreth definimit të çështjes së drejtorit të DKA-së pas kërkesës për largim, jep të kuptosh se diçka nuk ka funksionuar në relacionin mes kryetarit Haskuka dhe partnerit në bashkëqeverisje Nisma./GazetaePrizrenit.net/

Lexo edhe\:

Çfarë po ndodh me pozitën e drejtorit për Arsim në Prizren, Skënder Susurit?

Asnjë koment

Comments are closed.