Kompania rajonale “Hidroregjioni Jugor”në Prizren, del me njoftim të ri pas njoftimit të mëparshëm rreth cilësisë së ujit të pijes, që erdhi si pasojë e të reshurave të shiut, përfshirë edhe komunën e Dragashit, njofton Gazeta e Prizrenit.

Njoftimi:

Të nderuar konsumatorë të Prizrenit:

Ju informojmë se uji është përsëri i pijshëm. Pas një pune intensive nga ekipet tona dhe përpjekjeve të palodhshme deri në orët e mëngjesit, cilësia e ujit është rikthyer në normalitet dhe është i sigurt për konsumim.

Ju falënderojmë për durimin dhe bashkëpunimin tuaj gjatë kësaj periudhe emergjente. Një falënderim i veçantë shkon për punëtorët tanë për përkushtimin dhe punën e tyre të palodhshme.

Për Njësinë Operuese në Dragash, do të njoftoheni në vijim nëse uji është i sigurt për konsumim!