30-05-2024

Afër 1 mijë e 500 serbë i konvertuan targat nga ato ilegale në RKS

Numri i serbëve të Kosovës që i kanë ndërruar targat nga ato ilegale në RKS ka shkuar në 1 mijë e 467.

Lajmin e ka konfirmuar ushtruesi i detyrës së drejtorit të policisë për rajonin e veriut, Veton Elshani, i cili tha se kjo shifër ka qenë deri dje.

Ditëve të fundit është vërejtur interesim i madh i qytetarëve të komunitetit serb për t’i ndërruar targat e veturave nga ato ilegale në ato legale, RKS.

Kujtojmë se më 30 tetor, qeveria ka vendosur për shtyrjen e afatit për riregjistrimin e veturave, ku kësaj shtyrje i ka paraprirë kërkesa e drejtorisë së Policisë së Kosovës për rajonin e veriut drejtuar MPB-së.

Sipas vendimit të qeverisë, afati për riregjistrimin e makinave me targa serbe si “KM”, “PR”, “PZ” e të tjera do të jetë deri më 1 dhjetor.

Asnjë koment

Comments are closed.