Aksident i rëndë trafiku në Suharekë
Një aksident i rëndë trafiku ka ndodhur pak më parë në rajonin e Suharekës, saktësisht në rrugën e transitit kur dy vetura janë përplasur me njëra-tjetrën.
Dy persona kanë marrë lëndime trupore.
Kështu ka njoftuar zëdhënësi i Policisë për Rajonin e Prizrenit, Vesel Gashi.
Sipas tij, dyshohet se deri te aksidenti ka ardhur si pasojë e mospërshtatjes së shpejtësisë.
Gashi theksoi se po ashtu dyshohet se njëri nga shoferët ishte nën ndikimin e alkoolit por se mbetet të zhvillohen hetimet për të parë rrethanat që ka çuar deri tek ky aksident.
Në vendin e ngjarjes veçse kanë arritur edhe ekipet emergjente.
