Dy persona janë lënduar në një aksident që ka ndodhur në Has të Prizrenit.

Në raportin 24 orësh të Policisë, njoftohet se rasti ka ndodhur dje në lagjen Qollaku, raporton Gazeta e Prizrenit.

Ndonëse në raport nuk përmendet rruga, në këtë pjesë kalon aksi rrugor që lidh fshatrat e Hasit të Prizrenit me ato të Gjakovës, Gjonaj-Kushnin-Demjan-Bishtrazhin.

Raporti nga PK

Prizren 27.04.2023 Ka ndodhur një aksident trafiku në mes të dy automjeteve me ngasës meshkuj kosovarë. Si pasojë e aksidentit lëndime trupore kanë pësuar dy pasagjerë të cilët pas marrjes së tretmanit mjekësor janë liruar në shtëpi./Gazeta e Prizrenit