Një person është në gjendje të rëndë shëndetësore, pas një aksidenti në rrugën Zhur – Dragash.

Rasti ka ndodhur mbrëmjen e së dielës, ka bërë të ditur policia në raportin 24 orësh.

Si pasojë e aksidentit, tre persona kanë marrë lëndime trupore dhe janë dërguar për tretman mjekësor,

Njëri prej tyre është dërguar në QKUK, pasi ka lëndime të rënda dhe me rrezik për jetën.

“Rr. Zhur – Dragash, 10.10.2021 – 21:20. Ka ndodhë një aksident trafiku në mes të dy veturave me ngasës meshkuj kosovarë. Si pasojë e aksidentit lëndime trupore kanë pësuar tre persona të cilët kanë pranuar tretman mjekësor, ndërsa njëri prej është dërguar në QKUK për tretman të mëtejmë mjekësor dhe sipas mjekut ka lëndime të rënda -me rrezik për jetën”, ka bërë të ditur policia.