22-10-2021

Aksioni në veri, Haradinaj: Kurti të sqarohet nëse e bëri për fushatë

Lideri i AAK-së, Ramush Haradinaj ka reaguar për situatën e sotme në veri të vendit.

Përmes, një postimi në profilin e tij në Facebook, ai ka shkruar se askush nuk ka të drejtë të ngre dorë ndaj policit të Kosovës.

Mund të jetë një imazh i 1 person, në këmbë dhe teksti

Sipas tij, qeveria duhet të sqarohet dhe të hjek çdo dilemë, se këto aksione mund të jenë kryer për efekte elektorale.

Njoftimi i plotë:

Askush nuk ka të drejtë të ngre dorë ndaj policit të Kosovës. Huliganët dhe banditët duhet të burgosën dhe shteti duhet të jetë i pakompromis ndaj tyre. Secili që sulmon policinë e Kosovës dhe e prish rendin publik, duhet ta marrë dënimin e merituar.

Ne duam të besojmë që aksionet e sotme, të kenë qenë pjesë e planit të rregullt operativ të policisë në ndjekje të krimit. Veç se qeveria e ka për detyrë ta sqarojë edhe opinionin publik edhe veten, për përzgjedhjen e momentit kohor për kryerjen e këtyre operacioneve.

Nëse është e mundshme duhet të hiqet çdo dilemë, se këto aksione mund të jenë kryer për efekte elektorale.

Në mbështetje të Policisë së Kosovës.

RH

Asnjë koment

Comments are closed.