Sektori rajonal për hetime nga Drejtoria rajonale e policisë në Gjakovë ka punuar intensivisht në zbulimin dhe arrestimin e të dyshuarve dhe sot, me 7 nëntor, ka kryer një bastisje në fshatin Kralan të Gjakovës me ç’rast ka arrestuar personin e dyshuar, njoftoi Policia.

Sipas këtij njoftimi, i arrestuari A.A, është i lindur më 1996, ndërsa është shqiptar me shtetësi të Kosovës.

Gjatë bastisjes së shtëpisë dhe lokaleve të tjera përcjellëse janë gjetur dhe konfiskuar:

• Sasi e narkotikëve e dyshuar si marihuanë , 486 gramë
• Sasi e narkotikëve 10 gramë e dyshuar si kokainë
• Një peshore e cila shërben për matjen e substancës së dyshuar.
• Një pushkë automatike AK-47 me tre fishekë
• Një pistoletë e kalibrit 6.35 mm, me katër fishekë
• Një pushkë gjuetie
• Një pushkë ajrore-rekreative
• Një jelek taktik i forcave speciale Swat
• Dy këllëfë për mbajtjen e armëve
• Dy palë dorëza
• Mjete të mprehta (thika dhe një boks hekuri), bateri dore
• Një palë dylbi

Në bashkëpunim me prokurorinë e shtetit po vazhdojnë hetimet, ndërsa personit të arrestuar i është caktuar masa e ndalimit policor./k.net