Policia e Kosovës sot ka ndaluar serbin A. Q në Jarinjë, për shkak të dyshimit se ai më parë kishte në mënyrë të paautorizuar fotografuar objekte në Mitrovicën e Jugut. KoSSev jozyrtarisht merr vesh nga një burim i besueshëm se bëhet fjalë për pjesëtar të xhandarmërisë serbe.

Arrestimi ka ndodhur rreth orës 09:00, kur A.Q, me banim në Kosovë, ka ardhur në kalimin kufitar Jarinje nga drejtimi i Serbisë, transmeton Paparaci.

Zëvendëskomandanti i Policisë së Kosovës për rajonin e Veriut, Veton Elshani, ka thënë për KoSSev se në këtë kalim kufitar, gjatë kontrollit të dokumenteve nga zyrtarët e Policisë së Kosovës, ka dalë njoftimi se A. Q. ishte në “stop list”.

Elshani ka theksuar se ky person ishte në kërkim për shkak të dyshimit se kishte fotografuar në mënyrë të paautorizuar objekte në Mitrovicën e Jugut.

Megjithatë, ai nuk ka zbuluar se cilat ishin këto objekte.

A.Q. më pas u transportua në Mitrovicën e Jugut për t’u marrë në pyetje. Elshani supozon se pas kësaj, ai do të lirohet.