Dasma e cila u bë shumë e komentuar gjatë javës së kaluar ishte ajo e familjes Gigollaj në fshatin Lubizhdë të Prizrenit.

Kjo pasi në videot që kishte publikuar këngëtari Labinot Rexha shihet një numër i madh i njerëzve të cilët vallëzonin e festonin në oborrin e shtëpisë.

Ndonëse gjatë kohës sa është mbajtur dasma, policia e rajonit nuk kishte ndërmarrë masat e nevojshme, rasti është duke u hetuar pas raportimit të emisionit Sonte në T7.

“E nderuar, për informimin tuaj në lidhje me rastin e organizimit të ahengut-dasmës, sot me datën 5 gusht2010 në cilësinë e personit të dyshuar është intervistuar R.G dhe me njoftimin e prokurorit kujdestar rasti është duke u hetuar në procedurë të rregullt për moszbatim të vendimit të Qeverisë dhe mosveprim në bazë të ligjit në kohë pandemie”.

Sidoqoftë, kjo nuk ka qenë dasma e vetme që është organizuar në Kosovë gjatë kësaj periudhe pandemie./GazetaExpress