Detaje të reja janë zbuluar nga skandali seksual që ka përfshirë një prej anëtarëve të Federatës Shqiptare të Futbollit (FSHF) gjatë qëndrimit për ndeshjet e Euro 2024 në Gjermani. Anëtari, sipas mediave gjermane, nuk është lojtar, trajner apo zyrtar i lartë.

Sipas gazetës gjermane, “Bild”, një prej anëtarëve të FSHF-së, mashkull, 26 vjeç, ka sulmuar seksualisht një 18-vjeçare pjesë e stafit të kampit sportiv Kaiserau në Kamen, ku kuqezinjtë qëndruan gjatë fushatës së tyre në Euro 2024.

Punonjësja e hotelit të Kaiserau ka lajmëruar policinë pas sulmitm më 23 qershorit në orën 19:30.

E reja u tha komisarëve të policisë në Unna (Rhein-Vestfalia e Veriut) se shqiptari e kishte futur me forcë në kuzhinë, e kishte puthur dhe abuzuar seksualisht me të.

Edhe pse prokurori publik u informua menjëherë për veprën e raportuar seksuale, i akuzuari mundi të fluturonte për në shtëpi i papenguar të nesërmen (pas ndeshjes së fundit të Shqipërisë ndaj Spanjës).

Aktualisht është e paqartë se si do të vazhdojë hetimi.

Çështja e fajit tani duhet të sqarohet se në çfarë mase burri ishte në gjendje të tejkalonte refuzimin e gruas së re.

Pasi u bë e ditur ngjarja, burri u pezullua menjëherë nga FSHF-ja, por identiteti i tij mbetet anonim./Albanian Post