Susuri  për KALLXO.com thotë se po përgatit kallëzim penal për personin që e inçizoi ndërsa deklaron se nuk konsumon pije alkoolike as jashtë orarit të punës.

“Unë  i kam 54 vjet dhe kurrë në jetë nuk pi alkool, jam  njeri që as cigare nuk pi, jam njeri që mbaj Ramazan dhe jam njeri që ka 4 fëmijë. Mbi të gjitha jam drejtor i Drejtorisë së Arsimit, jam në institucion dhe ai ka shpif ndaj institucionit dhe personalitetit tim. Mbi të gjitha unë atë kanaqen e kam marrë dhe e kam hedhë në mbeturina.”, tha Susuri.

Ai tha se ia ka lënë në dorë avokatit përgatitjen e kallëzimit penal ndërsa nuk deshi të tregojë për identitetin e personit që ka realizuar fotografitë.

Unë prej zyrës e kam shoqëru një palë dhe e kam parë kanaqen në lulishte, e kam marrë dhe e kam gjujtë.  E njoh( personin që ka fotografuar), unë nuk ndërhyj, nuk e di pse e ka bërë, a e ka bërë rastësisht apo me tendencë nuk paragjykoj”, tha Susuri.