19-05-2024

Dyshohet si e qëllimshme djegia e objektit të ish-Farmakosit në Prizren (Video)

Drejtori për Emergjenca dhe Siguri në Komunën e Prizrenit, Faruk Dakaj, ka thënë se zjarri duket të jetë shkaktuar “me qëllim”.“Objekti është djegur në tërësi, fatmirësisht lëndime në njerëz nuk ka”, ka thënë Dakaj, raporton Koha.net.

Ndërkaq, pas këtij rasti, Dakaj ka alarmuar për numrin e vogël të zjarrfikësve në këtë komunë, duke e akuzuar Agjensionin për Menaxhim të Emergjencave se po e bllokon rekrutimin e 30 zjarrfikësve të rinj.

“Përderisa zjarrfikësit edhe jashtë orarit të punës angazhohen gati çdo të dytën ditë në ruajtjen e jetës dhe pronës së qytetarëve, Agjensioni për Menaxhim të Emergjencave ka më shumë se një vit që bllokon qëllimisht procedurën e rekrutimit të 30 zjarrfikësve të rregullt siç edhe është përcaktuar me ligj”, ka thënë ai.

Dakaj thotë se Ministria e Punëve të Brendshme duhet urgjentisht të marrë masa ndaj, siç thotë ai, “përgjegjësve që bojkotojnë institucionet e sigurisë”.

Asnjë koment

Comments are closed.