21-05-2024

E dhimbshme: Ky është 22-vjeçari që humbi jetën në vetaksident në Dragash

Një ngjarje tragjike ka ndodhur në Dragash, ku një 22-vjeçar, sot ka humbur jetën si pasojë e një vetaksidenti të rëndë në trafik.

Siç mëson Gazeta Sinjali, i riu që vdiq është Ensad Rizvani nga fshati Leshtan, vdekjen e të cilit e ka konstatuar ekipi mjekësor në QKMF.

Rastin e ka konfirmuar zëdhënësi i Policisë së Kosovës për Rajonin e Prizrenit, Vesel Gashi, i cili tha se deri te aksidenti dyshohet të ketë ardhur si pasojë e mosrespektimit të rregullave në trafik, duke përfshirë tejkalimin e shpejtësisë, mospërdorimin e rripit të sigurisë, si dhe dyshohet edhe për përdorim të celularit.

Hap fotografinë

“Sot rreth orës 08:00 në rrugën Dragash – Radish kemi një vetaksident të trafikut dhe si pasojë vozitësi ka humbur jetën. Deri te aksidenti dyshohet të ketë ardhur si pasojë e mosrespektimit të rregullave në trafik, duke përfshirë tejkalimin e shpejtësisë, mospërdorimin e rripit të sigurisë, si dhe dyshohet edhe për përdorim të celularit. Viktima është mashkull i moshës 22-vjeçare. Automjeti ka qenë me targa vendore dhe viktima ka humbur kontrollin mbi automjet. Si pasojë  e plagëve, mjeku në Qendrën e Mjekësisë Familjare në Dragash ka konstatuar vdekjen. Me rastin po merret Njësia e Trafikut”, tha Gashi.

Asnjë koment

Comments are closed.