04-12-2020

E kërkonte gjithë bota, arrestohet afër Prizrenit 42 vjeçari banues në Turqi

42 vjeçari turk që po kërkohej nga Interpoli është arrestuar në pikën kufitare në Morinë nga organet kompetente të Shqipërisë.

Ai është shpallur në kërkim ndërkombëtar nga autoritet gjermane.

Turku akuzohet për trafikim të lëndëve narkotike dhe ishte në kërkim që një kohë.

Lexo edhe:

Prokuroria nis hetimet për tre drejtorë të Komunës së Prizrenit

Njoftimi i plotë nga Policia e Shqipërisë:

Policia Kufitare kap dhe vë në pranga një shtetas turk të shpallur në kërkim ndërkombëtar nga Gjermania.

Arrestimi provizor i tij u bë në bashkëpunim me Interpol Tiranën, me qëllim ekstradimin në shtetin gjerman.

Në hyrje të Pikës së Kalimit Kufitar të Morinës, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, bënë ndalimin e shtetasit të shpallur në kërkim ndërkombëtar: I.E, 42 vjeç, banues në Turqi.

Gjatë përpunimit dhe verifikimit të të dhënave në sistem, ky shtetas rezultoi person në kërkim ndërkombëtar nga Interpol Wiesbaden, Gjermani.

Autoritetet Gjyqësore Gjermane, kanë caktuar ndaj tij masën e sigurisë “Arrest me burg”, për veprën penale “Trafik droge”, parashikuar nga Kodi Penal i Gjermanisë.

Në përfundim të veprimeve hetimore, specialistët e Seksionit për Hetimin e Trafiqeve të Paligjshme dhe Narkotikëve në DVP Kukës bënë arrestimin provizor, me qëllim ekstradimin e tij drejt Gjermanisë./io

Asnjë koment

Comments are closed.