“Po ashtu shpërfillja e hapjes edhe të pesë pikave tjera kufitare përgjatë vijës kufitare lë hije dyshimi të trasimit të rrugës për planet e Serbisë për të pamundësuar qasjen e institucioneve të Kosovës në pjesën veriore qoftë edhe përmes qarkullimit nëpërmjet pikave kufitare”, thuhet në njoftimin e VV-së në Facebook.

Përveç Hotit, në raportim është ftuar ministri i Infrastrukturës Arban Abrashi. Njoftohet se Abrashi është ftuar në Komisionin për Bujqësi, Pylltari, Zhvillim Rural, Infrastrukturë dhe Mjedis, lidhur me “zotimet e dhëna në takimin e 4 shtatorit në Uashington për ndërtimin e akseve rrugore dhe hekurudhore që lidhin Republikën e Kosovës me Serbinë në drejtim të Merdares, duke devijuar linjën hekurudhore për në Leshakë”.

Sipas VV-së, ngjashëm me hapjen e vijës kufitare vetëm në Merdare, edhe akset rrugore dhe hekurudha në drejtim të njëjtë po bëhet ndër të tjera për të shmangur kontrollin e Kosovës mbi veriun.

“Infrastruktura rrugore dhe hekurudhore në Kosovë duhet t’i përgjigjet interesave të shtetit të Kosovës dhe popullit të saj. Këto nuk duhet të konceptohen e ndërtohen si infrastrukturë që mundësojnë pretendimet e Serbisë dhe që pengojnë interesin e Kosovës për shtrirjen e sovranitetit në veriun e vendit”, thuhet tutje.

Deputetët e VV-së, ditë më parë kanë dorëzuar edhe kërkesa të tjera për raportim në komisione parlamentare lidhur me politikën e jashtme, ekonominë, të pagjeturit, Ujmanin e tema të tjera.