Hoxha: 76% e nxënësve nuk dinë të lexojnë
Përfaqësuesi i Organizatës për Cilësi në Arsim (ORCA), Dibran Hoxha, ka thënë se në ditën ndërkombëtare të arsimit në Kosovë, 76% e nxënësve nuk dinë të lexojnë.
Përmes një shkrimi në rrjetin e tij social Facebook, ai ka kritikuar SBASHK’un, derisa ka thënë se stafi akademik i universiteteve publike nuk i justifikon titujt akademik.
”76% e nxënësve nuk dinë të lexojnë, të tretët nga fundi në PISA 2018 (79 vende pjesëmarrëse). SBAShK thotë se PISA na ka bo me hile, se metodologjia e PISA-s nuk është kompatibile me metodat tona të mesimdhënies, në ndërkohë e vetjma gjë kompatibile për ta, është rritja e pagave”, ka shkruar ai
Shkrimi i tij i plotë:
Në ditën ndërkombëtare të arsimit në Kosovë:
76% e nxënësve nuk dinë të lexojnë, të tretët nga fundi në PISA 2018 (79 vende pjesëmarrëse).
SBAShK thotë se PISA na ka bo me hile, se metodologjia e PISA-s nuk është kompatibile me metodat tona të mesimdhënies, në ndërkohë e vetjma gjë kompatibile për ta, është rritja e pagave.
Stafi akademik i universiteteve publike, nga 44% Prishtina deri te 65 % Prizreni e Gjilani, NUK i justifikojnë titujt akademik.
Shumica e universiteteve publike shpenzojnë mbi 50% të buxhetit për paga dhe mëditje të stafit akademik, me 75 % Mitrovica dhe 53 % Ferizaji.
Profesorët plagjiatorë vazhdojnë me “iluminu” rinën me shkencë.
Mbi 20,000 diploma të pavlefshme për shkak të dallavereve të kolegjeve private.
Sipas Agjensisë së Statistikave numri i studentëve në vend është 95,335, sa prej tyre do gjejnë punë?! Sa prej tyre angazhohen për me ndryshu këtë gjendje?
