18-vjeçari ka dalë në korsinë e anës së kundërt ku është përplasur me një veturë në të cilën ishin katër persona, dy prindër dhe dy fëmijë të cilët u lënduar rëndë, raporton mediumi gjerman “t-online.de”, transmeton Koha.net.

Sipas njoftimit të Policisë, 18-vjeçari kosovar ka vdekur në vendin e aksidentit ndërsa të lënduarit janë dërguar në spital. Po ashtu, policia gjermane bën të ditur se fëmijët që ishin të përfshirë në këtë aksident ishin të moshës dhjetë dhe dymbëdhjetë vjeç dhe gjendja e tyre është e rëndë.

Gjithashtu, sipas albinfo.ch, 18-vjeçari me inicialet B.R. është nga Prishtina.