“Jetimat e Ballkanit”, e bëjnë me spital ditor Spitalin rajonal të Prizrenit

Fal donacionit të Shoqatës Humnitare “ Jetimët e Ballkanit”, të mërkurën është përuruar solemnisht spitali ditor në kuadër të Spitalit Rajonal” Daut Mustafa” të Prizrenit. Pjesë e këtij solemniteti ishte drejtori i Shoqatës “ Jetimat e Ballkanit”, Halil Kastrati, drejtori i Spitalit, Afrim Avdaj dhe stafi i këtij institucioni shëndetësor.

Humanisti Kastrati, tha se ndjehemi të lumtur që po e vëm në funksion këtë spital ku shumë familje në nevojë mos të detyrohen që shërbimet e ndryshme mjekësore t’i marrin në Prishtinë, por në këtë institucion, dhe uroi që të ketë më pak njerës të sëmurë.

Ndërkaq, drejtori i Spitalit, Afrim Avdaj, falënderoi drejtuesit e Shoqatës për gatishmërinë dhe vullnetin e treguar për të mundësuar funksionimin e spitalit ditor, i pari i këtij lloji në Kosovë, i cili do të mundësojë ofrimin dhe ngritjen e cilësisë të shërbimeve shëndetësore për trajtimin e dhimbjes dhe kosto më të ulët të shpenzimeve.

Humanisti, Halil Kastrati, tha se vlera e këtij donacioni kap shifrat e mbi 65 mijë eurove, ndërsa nuk do të jetë i fundit, pasi në të ardhmen mendojmë të realizojmë edhe një donacion të radhës për Repartin e Radiologjisë. Mjeku specialist për trajtimin e dhimbjes, Adem Bytyçi, tha se në këtë institucion do ofrohen shërbime për të prekurit nga sëmundja e kancerit, numri i të cilëve fatkeqësisht është në rritje e sipër.

Gjithashtu, në hapësirat e Spitalit Rajonal janë përuruar edhe disa çeshme nga Shoqata “ Jetimat e Ballkanit”. Ndryshe, punimet në rregullimin e këtij spitali ditor kanë filluar me datën 26 korrik të këtij viti./tvprizreni