Një rast tragjik ka ndodhur sot pranë një hoteli në lagjën Dragodan, të njohur si Arbëria në Prishtinë.

Si pasojë e disa të shtënave me armë zjarri, një person ka humbur jetën, ndërsa dy të tjerë janë plagosur nga mjete të mprehta.

Burime të Indeksonline bëjën të ditur se viktimë është 65 vjeçari Rexhep Tahiri nga fshati Dumnicë e Podujevës.

Ndërkohë, nga Prokuroria Themelore e Prishtinës është konfirmuar që janë arrestuar dy të dyshuar lidhur me rastin.

Burime të Indeksonline pohojnë se të arrestuarit janë Avni Mustafa edhe Mustaf Mustafa.

Prokurori i Shtetit ka lëshuar aktvendim mbi ndalimin e dy personave A.M dhe M.M , nën masat e sigurisë nga Polica, pasi që gjinden në trajtim mjekësorë. Të njëjtit dyshohen për veprën penale “ Vrasje e rëndë”, sipas KPRK-së”, ka thënë zëdhënësja e Prokurorisë Themelore të Prishtinës, Laureta Ulaj.