Këta janë tre kosovarët e dyshuar për vjedhje të rënda në Austri, njëri akoma në arrati
Policia e Kosovës ka zhvilluar të martën dy aksione në rajonin e Prishtinës, që kishin cak dy persona që dyshohet se janë përfshirë në veprimtari të kundërligjshme, duke kryer vjedhje të rënda në shtetin e Austrisë. Arrestimi i tyre erdhi si rezultat i bashkëpunimit mes autoriteteve kosovare dhe atyre austriake, raporton Gazeta Sinjali.
Sinjali ka mësuar ekskluzivisht se dy personat e arrestuar janë Ilir Vrajolli dhe Labinot Vrajolli, teksa hetuesit janë në kërkim të personit të tretë të dyshuar i cili tash më është i identifikua dhe bëhet fjalë për Azem Avdilin.
Tre kosovarët që kërkoheshin me urdhër ndërkombëtar dyshohet se kanë kryer një seri të veprave penale të vjedhjeve të rënda në Republikën e Austrisë, në periudhën kohore nga dhjetori i vitit të kaluar deri në janar të këtij viti.
Policia ka njoftuar dje se pjesë e aksioneve ka qenë edhe kontrolli i katër lokacioneve, ku nga hetuesit policorë janë gjetur dhe sekuestruar stoli ari, 156 fishekë dhe 2 automjete.
“Personat e dyshuar pas intervistimit, me vendim të prokurorit janë dërguar në mbajtje, ndërkohë që hetuesit janë në kërkim të personit të tretë të dyshuar i cili tash më është i identifikuar”, thuhet në njoftim.
![](https://i0.wp.com/sinjali.com/wp-content/uploads/2023/11/image-72-1.png?resize=750%2C527&ssl=1)
![Kjo figurë ka një atribut alt të zbrazët; emri i kartelës për të është image-76-1.png](https://i0.wp.com/sinjali.com/wp-content/uploads/2023/11/image-76-1.png?resize=971%2C824&ssl=1)
![](https://i0.wp.com/sinjali.com/wp-content/uploads/2023/11/image-74-1.png?resize=642%2C906&ssl=1)
![](https://i0.wp.com/sinjali.com/wp-content/uploads/2023/11/image-75-1.png?resize=966%2C682&ssl=1)
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./GazetaSinjali/