Kryeministri i vendit, Albin Kurti, sot ka thënë se nuk do të lejoj ‘Serbi të dytë’ në Kosovë, shkruan GazetaBlic.
“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës. Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimitterritorial , i cili si ide nuk mund të them se ka vdekur, por si projekt gjithsesi dështoi”, ka thënë Kurti.