Kryetari Totaj pret në takim homologun nga Malisheva

Kryetari i Prizrenit, Shaqir Totaj, sot ka pritur në takim kryetarin e Malishevës, Ekrem Kastratin, ku ka biseduar për mundësitë e bashkëpunimit mes dy komunave, raporton Gazeta e Prizrenit.

Përmes një shkrimi në “Facebook”,  Totaj ka njoftuar se gjatë takimit gjithashtu u bisedua edhe për organizimin e 10 Qershorit – Lidhjes Shqiptare të Prizrenit.

Njoftimi i plotë i Totajt:

Kisha kënaqësinë të mirëprisja për vizitë kryetarin e komunës së Malishevës z.Ekrem Kastrati.

Biseduam për mundësitë e bashkëpunimit në fushën e zhvillimit ekonomik, në kulturë, në sport e në shumë aspekte të tjera. Poashtu biseduam për organizimin e 10 Qershorit – Lidhjes Shqiptare të Prizrenit, aktivitet i cili do të bashkoj te gjitha komunat dhe do marrim mbështetje në organizim nga të gjithë.

Kryetari i komunës së Malishevës shprehu gatishmërinë për bashkëpunim në organizimin madhështor që po na pret me 10 Qershor në Prizren.