27-06-2022

Ky është 42-vjeçari që dyshohet se vodhi rreth 100 litra alkool në një shtëpi në Rahovec

Një rast ndodhi dje ku një person është arrestuar nën dyshimet se ka kryer veprën penale ‘Vjedhje e rëndë’, pasi u kap duke vjedhur në një shtëpi në Rahovec.

Burimet e Gazetës Sinjali brenda Prokurorisë bëjnë të ditur se 42-vjeçari i cili kishte hyrë në një shtëpi, ku kishte vjedhur rreth 100 litra alkool dhe një reflektor është R. Shtavica.

Posa rasti është denoncuar në Polici nga pronari i shtëpisë, Shtavica është kapur nga njësitet policore dhe është dërguar në stacion policor për intervistim, ku para hetuesve ka pranuar se ka kryer veprën për të cilën akuzohet.

Me vendim të prokurorit, atij i është caktuar masa e ndalimit në kohëzgjatje prej 48 orësh. /GS

Asnjë koment

Comments are closed.