28-01-2023

Ky është rezultati i ndeshjes Bashkimi-Rahoveci

Bashkimi ka shënuar fitore kundër Rahovecit me rezultat 84:79 (20:22, 16:21, 30:14, 18:22), në xhiron e katërt të Prince Caffe Superligës.

Fillimi i ndeshjes ishte i baraspeshuar, ku skuadrat nuk arrinin të shkëputeshin, dhe çereku i parë përfundon 20:22. Edhe periudha e dytë ishte interesante, por mysafirët për një nuancë ishin më të mirë, duke shkuar në pushim me shifrat 36:43.

Megjithatë, prizrenasit e filluan furishëm pjesën e dytë, përkatësisht periodën e tretë, ku jo vetëm që barazuan shifrat, por e kthyen epërsinë në të mirë të tyre, kurse rezultati në semafor pas 30 minutash ishte 66:57.

Mund të jetë një imazh i 3 persona, personat duke marrë pjesë në sporte dhe teksti

Vreshtarët luftuan deri në fund, duke ngushtuar shifrat në 80:76, por nuk arritën përmbysjen e plotë dhe Bashkimi triumfoi 84:79. Prizrenasit kanë dy fitore e dy humbje, ndërsa rahovecasit kanë një fitore e tri humbje.

Altin Morina shënoi 22 pikë për Bashkimin, kurse Musab Mala realizoi 18 për Rahovecin. / GE

Asnjë koment

Comments are closed.