Lajm i mirë: Grumbullohen paratë për operimin e Nina Dragushës në Turqi pas diagnostikimit me tumor

Dy ditë më parë, prindi i Ninës, Leutrimi shkroi se bija e tyre është diagnostikuar me tumor të llojit “NEUROBLASTOMA” në abdomen, ku për shërimin e saj shpenzimet kushtojnë deri në 144.000 Euro.

E i njëjti, tani ka shkruar se janë grumbulluar të gjitha paratë që kapin koston e operimit, dhe për më tepër kjo vlerë ka kaluar madje shifrën e kërkuar, për të cilën ka falenderuar secilin.

Postimi i plotë:

Përshëndetje të gjithëve,

Ju falenderojmë të gjithëve për ndihmën që e keni dhënë për shërimin e Ninës dhe ju njoftoj që shuma e kërkuar është grumbulluar dhe për korrektësi e ka kaluar vlerën, si Shqiptar human që jemi, kemi marr ndihma nga të gjitha anët e botës e i madhi Allah ju shpërbleft juve sepse e keni nda buxhetin e familjes tuaj për me e rikthy buzëqeshjen e vajzës në familjen tonë.

Nga tani do filloj rrugëtimi disa mujor për shërimin e Ninës në Turqi dhe do ju njoftojme per fazat e trajtimit qe i kalon

Ju perqafon Nina 🐣