Një person është arrestuar pasi dyshohet se ka shtënë me armë zjarri në një lokal në Malishevë dhe e ka lënduar një tjetër, të premten.

Në raportin 24-orësh të policisë thuhet se viktima ishte dërguar për tretman mjekësor në Qendrën Klinike Universitare të Kosovës dhe tani është jashtë rrezikut për jetë.

I dyshuari ka dorëzuar një armë me gaz me shtatë fishekë kalibrit 9 mm dhe një gëzhojë fisheku me gaz e cila armë dyshohet se është përdorur në rast.

Lidhur me rastin është bastisur shtëpia e tij, por nuk është gjetur asgjë e dyshimtë. Me vendim të prokurorit kujdestar të dyshuarit, i është caktuar masa e ndalimit policor për 48 orë.