26-01-2021

Mbi 100 biznese do të përfitojnë 2 milionë euro nga Programi për Rimëkëmbje

Kryeministri Avdullah Hoti, ka marrë pjesë në nënshkrimin e kontratës për financim të projekteve nga Masa e 8 e Programit për Rimëkëmbje Ekonomike, me ministrin e Zhvillimit Rajonal, Enis Kërvan raporton Gazeta Express.

Vlera e projekteve do të jetë 2 milionë euro.

Lexo edhe:

22 raste të vdekjeve me Covid gjatë javës në rajonin e Prizrenit

Hoti, me këtë rast tha se është inkurajues fakti që rreth 500 punëtorë do të përfitojnë nga kjo masë.

“Bëhet fjalë për rreth 500 punëtorë që do të përfitojnë nga bizneset tuaja. Shpresoj që kjo masë është një lehtësim për bizneset e vogla dhe të mesme. Kemi marrë edhe masa tjera përfshirë atë për 60 milionëshit dhe atë për bujqësi. Kurse një masë ka qenë për bizneset jo shumicë”, tha ai.

Hoti shtoi se edhe vitin e ardhshëm do të ketë ndihmesa për bizneset.

“Jemi të detyruar që edhe vitin e ardhëm të parashohim masa të tjera dhe besoj që ndihmesat do të rriten. Ne po bisedojmë edhe me donatorë të jashtëm. Ne gjatë kësaj periudhe jemi munduar që t’i qëndrojmë afër familjeve e bizneseve. Do ta keni mbështetjen e plotë të Qeverisë deri sa ta kalojmë këtë periudhë të vështirë. Komplet Fondin për Ekonomi deri në fund të vitit do ta fusim në ekonomi”, shtoi ai.

Asnjë koment

Comments are closed.