06-12-2021

Mediat italiane publikojnë dokumentarin tronditës për mafian shqiptare (video)

Është publikuar mbrëmjen e së martës në Itali në kanalin “Tv Nove” dokumentari i gazetarit investigativ spanjoll David Beriain mbi mafien shqiptare. Ai e përshkruan mafien shqiptare si “një organizatë brutale dhe efiçente që ka marrë udhë gjatë viteve të luftërave ballkanike”.

Ai thotë se ishin fillimisht një grup i vogël që më pas mori gjallëri duke përdorur dhe përfituar nga lidhjet me qarqet politike për t’u angazhuar në trafikimin e drogës, armëve dhe njerëzve.

“Lobi shqiptar është i mbyllur – thotë ai – dhe prej të cilit shumë pak dihet dhe për herë të parë hap derën për një gazetar”. Më poshtë është një pjesë nga dokumentari kur një nga trafiknatët pret në brigjet italiane ngarkesën e 5 kg kokainë me skaf nga Shqipëria.

“Pse vetëm 5 kg dhe nuk transportoni më shumë?”, e pyet gazetari anëtarin e mafias shqiptare.

“Është më e lehtë që një njeri të transportojë 5 kg”, përgjigjet trafikanti që shton: “Nëse humb një person nuk më intereson. Nëse humbas 100 kg më intereson shumë”.

Sponsored by Revcontent

“Më fol për mafian shqiptare. Si do ta përshkruaje ti?”, i kërkon gazetari.

“Eshtë si familja. Nuk flitet për të. Unë nuk flas për familjen time”, thotë i riu me fytyrë të mbuluar.

Më poshtë një tjetër video që tregon një person që falsifikon dokumenta për shqiptarët gjë që i jep mijëra euro në vit.

“Hakmarrja për shqiptarët është një detyrim i jetës. Vrasja e një të afërmi, siç thuhet në ligjin e Kanunit, kërcënon me vdekje të gjithë meshkujt e familjes së vrasësit”, thuhet në dokumentar.

“Është pikërisht kjo, karakteristikë kryesore e organizatave kriminale shqiptare. Ato janë formuar në bazë të lidhjeve familjare dhe nga një kod i pashkruar i nderit dhe hakmarrjes”, thuhet më tej./shekulli.com

 

 

Asnjë koment

Comments are closed.