13-04-2021

Ndërroi jetë profesori, Kamber Karavidaj nga Prizreni

Ka ndërruar jetë në moshën 63 vjeçare, profesori Kamber Karavidaj. Ai ka punuar në shkollën e ekonomisë “Ymer Prizreni”, transmeton “Gazeta e Prizrenit”.

Profesori Karavidaj, që punoi një kohë të gjatë në arsim, përkundër ligjërimeve në lëndën e Kimisë, tek nxënësit transmetonte edhe frymën kombëtare.

Gjatë kohës se okupimit nga regjimi serb, ai punoi me përkushtim në shtëpitë-shkolla.

Pos kontributit në arsim, Karavidaj nuk hezitoi t’i bashkohet edhe Ushtrisë Çlirimtare të Kosovës, që në pranverën e vitit 1998.

Ishte i angazhuar në njësitin për furnizim me armatim dhe përcjellje të ushtarëve nga të gjitha zonat luftarake,  që kanë shkuar për armë në Shqipëri përmes shtegut të Pashtrikut.

Sipas banorëve, profesor Karavidaj bashkë me shumë ushtarë tjerë të fshatit Mazrrek dhe Kojush, disa herë kaluan edhe vet kufirin për furnizimin e UÇK-së me armatim.

Ishte ndër profesorët e respektuar në mesin e kolegëve ish-nxënësve.

Varrimi i të ndjerit bëhet, në orën 14:00 në vendlindjen e tij, në Mazrrek të Hasit. /GazetaePrizrenit.net/

Asnjë koment

Comments are closed.