Në moshën 55 vjeçare, për shkak të një sëmundjeje ka ndërruar jetë kapiteni Sejdi Krasniqi, Komandant i Kompanisë së Deminimit të FSK-së, njoftuan familjarët, transmeton “gazateeprizrenit.net”.

Krasniqi ka qenë veprimtar i çështjes kombëtare, ndërsa ka qenë i angazhuar edhe në radhët e UÇK-së.

Për shkak të sëmundjes, ai fillimisht është trajtuar në Prishtinë, ndërsa më pas është dërguar në një spital të Shkupit, ku edhe vdiq.

Kapiten Krasniqi ka qenë edhe përfaqësues i FSK-së në disa institucione të vendit.

Ende nuk është përcaktuar dita e varrimit.

Shtëpia e tij, ndodhet në rrugën ish-Nëna Tereze (nga lagja Bazhdarhane në drejtim të Petrovës)./gazetaeprizrenit.net/