Në pritje të rezultateve nga IKSHPK, shkolla në Dragash nesër ndërpret mësimin
Si pasojë e pritjes së rezultateve të testeve për COVID-19, shkolla “Ruzhdi Berisha” në Dragash, nesër s’do të mbajë mësim.
Ky vendim u bë i ditur, nga Komuna e Dragashit, ku thuhet ndër të tjera se dita e humbur do të zëvendësohet.
Ky është njoftimi:
Pas takimit të task forcës për arsim në Dragash, konsultimit me task forcën e shkollës dhe rekomandimeve të IKSHP u vendos që nesër të ndërpritet procesi mësimor në Shml “Ruzhdi Berisha” në Dragash me datë 19.10.2020 deri në arritjen e rezultateve nga IKSHPK-ja që pritet të arrijnë nesër pasdite.
Dita e humbur zëvendësohet ditëve të shtuna ose në fund të vitit shkollor.
Gjithashtu ju njoftojmë se sot është bërë dezinfektimi i objektit të shml “Ruzhdi Berisha”.
Task Forca në nivel të DKA-së në Dragash
Lexo edhe:
