Disa maune të Kosovës dje kanë hasur në pengesa në doganë ku janë ndaluar për disa orë që të hyjnë në Serbi.

Zëdhënësi i Doganës, Adriatik Stavileci, tha se pengesat e tilla janë të shpeshta nga pala serbe, njofton Klan Kosova.

“Dje ka pasë informata konfuze nga pala serbe. Pas orës 13:00 pala serbe ka thënë se nuk lejohen të hynë dy maune, fillimisht në Merdare nuk i kanë lejuar duke thënë se kanë marrë një urdhër në bazë të cilit ata nuk duhet të futen pa marrë një leje të posaçme nga zyra ndërlidhëse e Serbisë në Prishtinë”

“Ne i kemi lënë maunet aty dhe më pas ka ardhur informata se mund të hyjnë automjetet transportues që kanë tabela të Kosovës RKS apo KS, por këtë leje ua kërkojnë vetëm automjeteve që kanë targa të Serbisë”.

“Ka filluar të formohet kolonë dhe më pas ka një ndryshim qëndrimi dhe i lejojnë të kalojnë si për furnizues si për transportues.

Nuk është hera e parë që pala serbe vepron në këso mënyre. Kemi probleme të përditshme me një lloj konfuziteti dhe një lloj pengese që e bëjnë momentale pa dhënë një arsye”

“Ata kanë thënë që kërkojnë këtë leje nga automjetet me targa të Serbisë. Në raportet sot në mëngjes nuk ka asnjë kamion në pritje apo në hyrje”.