Ngritët aktakuzë ndaj drejtoreshës së Arsimit në Prizren -

Prokuroria Themelore në Prizren ka ngritur sot aktakuzë kundër Drejtoreshës së Arsimit të Komunës së Prizrenit, Xhemile Thaçi-Vezgishit, për mos deklarim të pasurisë, përcjell GazetaBlic.

Drejtoresha e Haskukës siç thuhet në njoftimin e Prokurorisë, nuk e kishte deklaruar pasurinë e saj për vitin 2019 edhe përkundër faktit se afati për deklarim ishte zgjatur nga 31 marsi i vitit 2020, deri në qershor 2020.

“E pandehura e VV-së në Prizren, Xhemile Thaçi- Vezgishi në cilësinë e Drejtoreshës për Arsim në Komunën e Prizrenit si zyrtare e lartë publike, e kualifikuar sipas nenit 1 (par. 1.1.11) të Ligjit për ndryshimin dhe plotësimin e Ligjit nr. 04/L-050 për Deklarimin, Prejardhjen dhe Kontrollin e Pasurisë së Zyrtareve të Lartë Publik dhe Deklarimin, Prejardhjen dhe Kontrollin e Dhuratave për të gjithë personat Zyrtar, nga data 01.03.2020 deri më datë 31.03.2020, afat i cili është vazhduar deri më 19 qershor 2020, nuk e përmbush detyrimin ligjor për deklarimin e pasurisë, të ardhurave, dhuratave, dobisë pasurore ose të detyrimeve financiare, për vitin paraprak 2019 në Agjencinë Kundër Korrupsionit në Prishtinë, në afatin e paraparë me ligj të veçantë, edhe pse disa herë ishte njoftuar në lidhje me këtë obligim ligjor, e po ashtu në formularin për deklarim të pasurisë nr. 09000, datë 25.06.2020 edhe pse i dorëzuar me vonesë, nuk i deklaron të ardhurat personale të realizuara nga paga mujore që e ka marr si zyrtare e lartë publike për periudhën raportuese 2019.

Me këto veprime, e akuzuara Xh.TH.V., ka përmbushur elementet e veprës penale nga neni 430 paragrafi 2 lidhur me paragrafin 1 të Kodit Penal të Republikës së Kosovës Nr. 06/L-074. Prokurori i çështjes me rastin e ngritjes së aktakuzës, i ka propozuar Gjykatës që e akuzuara të shpallet fajtore dhe të dënohet sipas ligjit”, thuhet në komunikatën për media të lëshuar nga Prokuroria në Prizren.

Ngritët aktakuzë ndaj drejtoreshës së Arsimit në Prizren

Asnjë koment

RRJETET SOCIALE

Të rekomanduara

Parashikimi i motit për të hënën – 25.11.

Hajnat vjedhin ari dhe një pistoletë në një shtëpi në Prizren

Vdes një punëtor pasi goditet nga një mjet i fortë metali në vendin e punës

Aksidenti në Lubizhdë të Prizrenit, shoferi largohet pa e ndihmuar këmbësorin dhe pa lajmëruar Policinë

Deklarata e Muratit, KPK dhe Zyra e Prokurorit të Shtetit: Synimet për të minuar punën e Prokurorisë Speciale do të dështojnë

Newsletter

Abonohuni tani!

Për më të rejat nga Gazeta e Prizrenit.

I consent to my submitted data being collected via this form*

Ju falemnderit!

Gabim!

Lajmet e fundit