22-01-2022

Një i paraburgosur në Prizren dyshohet se vari veten

Një i paraburgosur në Prizren, ka vdekur sot në dhomën ku po qëndronte, e dyshimet sipas Shërbimit Korrektues të Kosovës, janë se është vetëvarur në dritaren e banjës së dhomës.

Sipas njoftimit, i paraburgosuri ishte 34 vjeç me inicialet F.I.

“Me të kuptuar për rastin, i menjëhershëm ka qenë intervenimi i stafit korrektues dhe atij mjekësor të qendrës, por përkundër përpjekjeve për reanimim nuk kanë arritur të kthejnë në jetë. Sipas Raportit Mjekësor të Stacionarit, i burgosuri F.I. në vazhdimësi ka pasur probleme shëndetësore të natyrës mendore, ngecje ne zhvillim mendor, për çka është trajtuar në vazhdimësi nga mjeku i burgut, psikiatri, psikologu. Lidhur me rastin janë suspenduar zyrtarët përgjegjës, janë njoftuar Policia e Kosovës dhe prokurori, ndërsa SHKK-ja ka filluar të bëjë hetimet procedurale dhe administrative, gjithashtu është themeluar Komisioni Hetimor Administrativ nga SHKK, i cili do të dal me Raport Administrativ Përfundimtar”, thuhet në njoftimin e SHKK-së.

Sipas këtij institucioni, vetëm autopsia do të verifikojë shkakun e vdekjes.

Asnjë koment

Comments are closed.