15-07-2024

Paraburgim grabitësit të argjendarisë në Suharekë

I shumëkërkuari për grabitjen e argjendarisë në Suharekë vjeshten e kaluar, Korab Gashi, u arrestua mbrëmjen e kalur pas një aksioni të gjerë, ku u angazhuan njësi të shumta policore.

Gjykata e Prizrenit sot ia caktoi një muaj paraburgim.

“Gjykata Themelore në Prizren, Departamenti për Krime të Rënda, gjyqtarja e procedurës Teuta Krusha, ka caktuar masën e paraburgimit, në kohëzgjatjeprej një (1) muaji, e cila do të llogaritet prej kohës së arrestimit 01.07.2024, dhe mund të zgjasë deri më datën 01.08.2024 ndaj të pandehurit K.G., për shkak të dyshimit zë bazuar se i ka kryer veprën penale Grabitja neni 317 par.4 lidhur me par.1 e lidhur me nenin 31 të KP-së, dhe veprën penale Grabitja nga neni 317 paragrafi 4 lidhur me paragrafin 1 e lidhur me nenin 33 (ndihma)  të KP-së”, thuhet në vendimin e Themelores së Prizrenit.

Nndryshe, arrestimi i tij ndodhi mbrëmë rreth orës 21:00, shtatë muaj prej kur ai ishte në arrati.

Korabi është vëllai i Dukagjinit, që ishte vrarë gjatë konfrontimit me Policinë e Kosovës gjatë një aksioni të gjerë, nëntorin e kaluar që lidhej me rastin e grabitjes në argjendarinë ‘Diakos 2’ në Suharekë.

Gashi, po ashtu me të kaluar kriminale, u shpall në kërkim nga Policia e Kosovës më 13 dhjetor 2023, ku u bë e ditur se ndaj tij është lëshuar urdhërarresti nga organet e drejtësisë.

Dukagjin dhe Korab Gashi, Bujar Basha, Leotrim Cakolli, Besart Istrefi dhe Trim Baraku ishin cak i Policisë mesditën e 30 nëntorit.

Njësi të shumta policore zbarkuan në Prishtinë, Fushë Kosovë dhe Carralevë dhe realizuan kontrolle në shtatë lokacione të ndryshme.

Lokacioni ku u vra i dyshuari Dukagjini ishte lagjja Dragodan në Prishtinë, ku u kapën disa nga të dyshuarit, por që u parapriu një shkëmbim zjarri mes Policisë dhe Gashit.

Gjatë zhvillimit të operacionit, Dukagjin Gashi dyshohet se ka shtënë me armë zjarri në drejtim të zyrtarëve policorë, të cilët në vetëmbrojtje janë detyruar të përdorin forcën proporcionale, duke arritur të neutralizojnë të dyshuarin. /GS

Asnjë koment

Comments are closed.