Parashikimi i motit për javën e ardhshme
Java e tretë e shtatorit nisë me mot shumë të ngrohtë dhe me diell. Nga dita e martë dhe mërkurë paraqiten kushte edhe për zhvillime të rrebesheve dhe bubullimave, që mund të jenë më të shpërndara në vend ditën e mërkurë.
Nga dita e enjte sërish kthehet moti me intervale më të gjata me diell. Orëve të mëngjesit nëpër ultësira mund të formohet edhe mjegull.
![](https://i0.wp.com/gazetaeprizrenit.net/wp-content/uploads/2023/04/Lekturime-redaktim.jpg?resize=300%2C107&ssl=1)
Temperaturat luhaten mbi vlera mesatare, ato maksimale nga 25C deri në 28C, e ato minimale ndërmjet 12C e 15C.
Erërat mesdhetare nga jugu e jugperëndimi do të sjellin koncentrime të pluhurit saharian mbi vend ditën e martë dhe mërkurë, që përkohësisht mund të çojnë indeksin e cilësisë së ajrit edhe në vlera mesatare të ndotjes.
18.09 – Në mëngjes nëpër ultësira mundësi për mjegull. Ditën shumë ngrohtë e kryesisht me diell.
19.09 – Intervale me diell paradite. Ditën vransira të ndryshueshme, e pasdite mundësi edhe për ndonjë rrebesh shiu me bubullimë.
20.09 – Vransira të ndryshueshme. Pasdite më vonë rrebeshe shiu dhe bubullima.
21.09 – Vransira të ulëta apo mjegull në mëngjes. Gjatë ditës kryesisht me diell.
22.09 – Shumë ngrohtë e kryesisht me diell.
Erërat në përgjithësi do të frynë nga jugu e jugperëndimi të lehta dhe mesatare 2-7m/s.
Shtypja atmosferike gradualisht në rënie përreth vlerave mesatare.